Notaris-, schepen- en andere akten

toenaem, qualiteijten ende wapenen van hen testateur, voirts comende tot de dispositie van sijne tijtelijcke goeden wilt ende begeert de voors. testateur, dat soo haest sijne siele vuijt sijn lichaem gescheijden sal wesen sullen gedaen worden twelff sielmissen voir hem ende vanden dach aff van sijne begravenisse oft vuijtvaert, drije jaeren lanck eene gelijcke daegehelijcxe sielmisse inde voors. Capelle tot Aerle soo verre tselve aldaer sal moeten geschieden oft anders elders ter bequamer plaetse, ter discretie van synen neve Henricx Verbeeck secretaris tot Aerle, noch maeckt hij testateur aende voors. Caopelle tot Aerle een hondert [251] gulden eens [: den gulden over all in desen tot twintich stuijvers loopens gelt gerekent] om op goede sufficiënte onderpanden beleeght te wordden oft een gelijcke rente daer voir van ende vuijt sijns testateurs renten om daer voir een erff jaergetijt van negen lessen ende singende misse gedaen te worden op t’jaergetijt van den sterffdach oft vanden dach van begraeffenisse sijns testateurs voirs. ende te bidden voir de sielen van hem ende van sijne ouders broeders susteren ende andere sijne vrienden ende maegen – Noch maeckt hij testateur aende capelle sijn silvere beeldeken vande voors. moeder ende maget Maria – Item die voors. testateur heeft gewilt ende geordineert, dat als die voors. drije jaeren vuijt sullen sijn oft eer in dijen den tijt toelaet datter vasticheijt ende ende sekerheijt sal sijn van tot Aerle inde voors. Capelle d’exercitie vande catholijcke roomsche religie te blijven oft oock nae wederomme andere drije ofte min oft meer jaeren een daeghelijcxe missen, indien den tijt soe quaet ende onseker blijft als [251r] nu, Is die voors. Henrick Verbeeck sijnen neve oft ingevalle van sijn afflijvicheijt sijnen soone oft ander sijne erffgenaemen successive sal oft sullen besorgen dat met authoriteijt vande overicheijt des behoorende inde voors. Capelle van Aerle sullen opgericht worden twee eeuwelijcke geestelijcke