Extract uit het testament van de Heer Cornelis Aertssen van Eerssel priester en beneficiaat van de St.Jan te ’s-Hertogenbosch met legaten t.b.v. twee studentenbeurzen om ‘daermede opgeholpen ende onderhouden te wordden inde heijlige ende catholijcke religie ende inde wairachtige kennisse der salicheijt ende Goidts wille ende geboeden te leven ende van allen erroren ende heresin [dubieus] bewaert te mogen wordden ende comen tot eenen geestelijcken oft weirlijcken staet dair Godt de Heere hen toiroepen sall ende sullen dese bursen ende vruchten genieten de gheene die dairtoe bij de naebeschreven provisoiren ende collateurs sullen wordden geadmitteerd ende geaccepteert ende beijn…. moeten wesen ten mijsten ad septam classem inde schole derser stadt van sHertogenbossche eer desen …. de voors. burssen sullen mogen genieten ende gehouden sijn allen jair hennen ….. te veranderen met een hoo…..ende te wesen ten minsten onder de twelff ierste ofte bij fo…. van dijen sullen die provisoiren ende collateuren die bursieren van he…. jairlycx incomen mogen pri,,,,als wesende onnutte knechten ende eenen anderen van den bloede des testateurs bequaemer dair in …… ende als die voors. bursieren sullen geoccupeert hebben een jair tvoors. …? . te weten tertiam classem sullen alsdan geoirsaeckt wesen op …. als voor hair te transfireren ende begeven tot een universiteijt te weten Loven ofte Duwaij.
Dat dit extrackt is accorderende metten originaelen prothocolle atteste ick als notaris – quod attestor – J. van Turnhout.