Item tot alimentatie ende onderhout van eenen eerlycken goeden bequamen neerstigen jongen oft clercq begerende te studeren inde Goddelijcke Theologie ende andersints tot Loeven, Coelen oft Elders in eenige andere cathololijcke universiteijt om priester te worden, heeft die vs. testatrix gemaeckt ende beseth, maeckt ende beseth mits desen ses hondert gulden eens ofte rente bedragende de hooftpenningen van deselve penn: daer voor vande welcke ten eeuwigen dagen sullen collatoijrs provosoirs ende toesienders wesen, den prior des Convente van de Predicaren vs., de pater des Convente vande Regularissen opten Wintmolenberch ende den meester int Groot Gasthuijs binnen deser stadt ten tijde wesende, de welcke de vs. ses hondert gulden eens sullen ontfangen van de naebeschreven executeuren ende tot rente beleggen tot behoeff als voor, ofte sullen in plaetse van de selve ses hondert gulden eens ontfangen van haer testatrix rentbrieven totter selvr somme toe bedraghende, soo sulcx de executoiren goetduncken ende gelieven sa lende terstont naer de doot ende afflijvicheijt vande vs. testatrix sullen de vs. collatoirs ende provosoirs stellen eenen goeden bequamen clercq, dewelcke de jaren incomende renthe ende vruchten vande vs. ses hondert gulden eens inde vs. universiteijtschoole sal hebben ende genieten den tijt van acht jaren geduerende, ende ten eijnde vande selve acht jarern sullen die vs. collatoirs in sgeens vs. is altijt eenen anderen goeden bequamen jongen versien ende stellen, dewelcke altijt sal moeten wesen een goet gemeijn catholijck borgerssoon der stadt van sHertogenbossche ende niemant anders, beheltelyck nochtans,