Notaris-, schepen- en andere akten

1 Jan van de Lair wittich man ende mombair Margrieten sijnen huijsfrouwe dochter wijlen Marcelis Beernickx geloevende voir een derdt gedeelt …soen wijlen ……, soe voir hem selve ende Simon van Doern en Handrick ende Reijner gebrueders kijnder Jan Reijners, geloevende voir Anna hun wettighe suster. Ende Jan Simons als man ende mombair van Elisabeth sijnder huijsfrouwe dochter wijlen Reijner Simonssen voirschreven. Ende Hanrick soen wijlen Goijart Boerinck, ende Jan Hanrick Beckers ende Peter Matheus … geloevende voir hem selve ende voir Anna ende Lisbeth gesusteren dochteren Goijart Berninck geloevende voir het ander derdt gedeelt ende Heijlwich weduwe wijlen Jan die Gruijter geloevende voir die helft vanden derdt gedeelt ende dieselve Heijlwich met haeren gecoren mombar ende Anthonis, Jan ende Goijart gebrueders kijnderen des voirschreven Jan die Gruijter en Heijlwich voirschreven. Ende Jan Hugens man ende mombair van Catherijn sijne huijsfrouwe oijck dochter des voirschreven Jan die Gruijter ende Heijlwich voirschreven. Ende Elisabeth dochter des voirschreven Jan die Gruijter en Heijlwich met haere mobar. Ende die selve Anthonis, Jan ende Goijart, Jan Hugten ende Elisabeth geloevende voir hen ander susters ende brueders ende die selve geloevende voir die helf vanden derde gedeelt. Ende hebben erffelijck opgedragen ende overgegeven Elisabeth wedue wijlen Gerit Peter Dirck Borckhouts ende Natalen die Lu, huijs, hoff etc. gelegen inde prochie van Sint Oeden Roede inde vrijheijt geheijten den Bocht soe Heijlwich dochter wijlen Marselis Berninckx dair inne bestorven is.Voirschreven vercooperen hebben erffelijck vertegen op sijn gedelt tot behoef Elijsabeth weduwe Peter Dirck op een jaerlijcke ende erffelijcke chijns, die deselve vercopere aengestorven waren van Heijlwich dochter wijlen Marcelis Beerinck ….Gering Willems…. Vuijt sijn erven in Roede gelegen inde vrijheijt geheijten die Wavernaij

2 Elisabeth weduwe wijlen Gerit Peter Borckhouts met haer mobar voirschreven ende met Nataal die Luwe hebben erffelijck vercoft .. soen wijlen Jan van der Lair eene jaerlijcke ende erffelijcke chijns. Van ende vuijt huijs, hoffstat ende erffenis geheijten in Bochten.

3 Jan Marcelis Reijners ende Peter Herbertssen als man ende mobar Anna sijnder huijsfrouwen dochter des voirschreven Marcelis Reijners ende Hanrick Michiels als man ende mobar Mechtelt sijne huijsfrouwe oijck dochter des voirschreven Marcelis Reijners ende die selve Jan, Peter ende Hanrick geloevende voer Gertruijt, Lijsken ende Simon oock kijnderen van Marcelis Reijners ende hebben erffelijcken opgedragen ende overgegeven Elijsabeth weduwe wijlen Jan Peter Dircxsen ende Natalis die Lu …. gedeelte als denselve aengestorven is van Heijlwich dochter wijlen Marcelis Beerninckx van huijs, hofstat, hoff met allen sijne toebehorten gelegen in prochie van Roede inde vrijheijt geheijten die Bocht soe die voirschreven Heilwich daer inne bestorven is.

4 Alsoe Peter Peterssen vanden Gasthuijs erffelijck opgedragen hadde Jan die Lu int jair ons heeren duijsent vijfhondert (tekst is verbleekt) XIII dach van februario tot behoeff den gulden van Sint Anna binnen der prochie kerck van Erschot tot Sint Oeden Roede alle jair twee mudden roggen, vuijt alle sijnen gueden omme dair voir alle weken vanden deservitor van Sint Anna altar een misse op den selven altar gedaen te werden gelick in scepen brief van Sint Oeden Roede. Ende sijn gestaen voir ons scepen hier onder geschreven. Heer Art van Creijvelt deservitor intertijt vander selver gulden ende Jan Evert Corstiaenssen ende Jacop Jan Goijartssen, Hanrick Heijmans ende Wouter Peterss van Creijespot als dekens den selver gulden ende Ariaen Colen guldebruur als representerend die gulde van Sint Anna. Ende hebben erffelijcken opgedragen ende helmelinge met vertijdinge overgegeven Peteren Wijllemss die vorscreven twee mudde roggen tsamen met allen scepen brieven etc. Verder vermelding van Jan soen wijlen Art Aelberts, Peter soen wijlen Peter van de Gasthuijs Vuijt de helft van eender hoeve den voerschreven Jan Aelbert toebehoerende, gelegen binnen prochie van Sint Oeden Roede geheijten Hogen Oever gelijck in scepen brieven vanden Bosshe begrepen stont. En heeft noch die voerschreven Peters den voerschreven Arden ende dekens als voor, erffelick opgedragen twee lopen rogge erffs pacht der maten van Sint Oeden Roede, welcke twee lopen roggen Peter soen wijlen Art Schelmans, Peteren soen wijlen Peters vanden Gasthuijs jaerlijcke ende erffelijcke gelooft hadde. Van ende vuijt huijs, hofstat ende hoff met alle sijn toebehoorten, gelegen inde prochie van Sint Oeden Roede inde Laeckstraet geheijten. Ende noch die selve dekens opgedragen tot behoeff die gulden als voir een jaerlijcke ende erffelijcke pacht van acht vat roggen der maten van Roede voerschreven.