Mijn Studiezaal (inloggen)220.37 Index Beurzenstichtingen (220.37)
46a [VERVOLG AKTE] Ende sullen die regeerders ende toesienders voirs. alsdan d’openstaende ende vacerende plaets met eenen anderen scholier moegen vervullen ende suppleren – ende inne dyen de voirs. conventualen des vs. convents van den predickheeren vs. by heuren versuymenisse anders verruymden de plaetsche van den scholier een halff jaer te laeten vaceren ende op te staen buyten jaer der probatien als voirs. staet – Soe soude die selve comventualen van de predickheeren voors. voor alsulcken verruyminghe den pater van de fraters ten tyde wesende moeten geven sess rynsgulden eens den gulden tot twintich stuyvers gereeckent ende voirde verruyminge van een geheel jaer negen der gelycke guldens – item die voirs. prior sal ter taeffelen gehouden syn op Ste. Dominicus ende Thomas dagen alle jaer te nooden den Mr. hunder scholen ten tyde vanden voirs. scholier ten eynde dat die selve meester te beter toesicht mach hebben totten selven scholier – ende waert saecke dat tconvent van der predickheeren der voirs. stadt egeen plaets en hadde omme den voirs. scholier in heuren voirs. convente te moegen ontfangen soo sal alsdan die prior ten tyde wesende des voirs. convents van de predickheeren den vs. scholier promoveren aen den convente van de predickheeren van Bruessel oft Utrecht ophoudende ten sy dat die voirs. scholier van eenighe vande selven convente van Bruessel oft Utrecht plaets hadde – Item des vs. syn lynwaet sal telcker reysen byder wasser des voirs, convents van de predickheeren binnen voirs. stadt van ‘sHertogenbossche gewassen worden tconvent van den predickheeren des lestgeschreven stadt sal alle jaer geven 10 stuyvers ter omderstant van den vs. scholier schoelgelt inne soo verre dat d’ouders des scholiers arm waeren ende anders nijet – item die ouders oft die naest vrienden des scholiers sullen den vs, scholier gehouden syn heur eygene costen aen te doen maecken een cleyn grauen tabbartken streckende ten ….schenen des selven scholiers beneden toege…..
Vervolg:
gemaeckt synde naede aude usantie van den fra…. met welcker grauen tabbartken die voirs. scholier des verbonden sal wesen te gaen ende te staen daeghlycx gelijck die voors. conventualen soo voor hen selven als mede van wegen elck andere conventualen der selve convente soo voor hen selven als mede van wegen alle andere conventualen des selve convents openbaerl[yck] bekennen ende onder verbyntenisse van allen den goeden des selve convents present ende toecomende voor soo veele den selven convente macht den voirs. heeren ende meesteren Jacoppe van Sundert hebben geloeft met conditiën …. toegedaen dat die voirs. conventualen des vs. convents van den predickheeren der stadt van ‘sHertogenbossche ten eewigen daeghen tsaemen tenemael altyt sullen moeghen ;ossen ende affquyten den laste van te onderhouden ende alimenteren den voirs. scholier aen handen ten tyde der voirs. regeerders ende toesienderen des selve scholiers metter sommen van vyffhondert gulden Carolus gulden gemeynl[ick] genoempt tweyntich penningen stuyvers gemeynl[ick] genoempt oft die weerde der selver in anderen goeden gelde ten tyde der lossinge alsulcken last voor elcken alsulcke gulden te reeckenen – Gelyck die voirs. Heer en Mr. Jacop van Zundert dat openbaerl[ick] heeft bekent ende als schuldenaer principael op de verbyntenisse van synen persoon ende van allen synen goeden nu hebbende ende naemaels vercrygende den voirs. heeren ende conventualen des selve conventts van de predickheeren van de Bossche metter voirs. somme van vyffhondert gulden aen handen der voirs. regeerders ende toesienders affgelost ende affgequeten sal wesen, soo sullen alsdan ende indyen gevalle die voors. regeerders ende toesienders ten tyde des selve scholiers verbonden wesen de voirs. vyffhondert gulden te beleggen op goede waeldeurchdenden onderpanden en goede renthen chynssen oft pachten ten eewigen daeghen inne het voirs. fraterhuys
Vervolg 2:
den voirs. scholier tamel[ick] als voir totten religien des voors. convents vander predickheeren binnen deser stadt van sHertogenbossche gealimenteert wordende allet sonder droch arch ende list n kennisse der waerheyt soo hebben de schepenen voirs. onse segelen hier beneden aen desen brieff doen hanghen – Gegeven den vyffsten dach der maendt van december int jaer ons heeren duysent vyffthien eenendetsestich – onder stont littera conventus predicatorium in Buscoducis de con…. partum sic scriptum – onderteeckent hier onder met twee vuythangende segelen in groenen wassche, opten rugghe des brieffsnstont geschreven als volgt Heer ende Broeder Cornelis van Oisterwyck prior van den convent der Hemelsche Poorte genoempt Baseldonck ende Heer en Broeder Martyn van Roosmalen pater ten fraterhuys binnen deser stadt als regeerders ende toesienders deser fundatie, hebben bekent dat die van den convente vande predickheeren binnen deser stadt aen hen regeerders ende toesienders handen geschoten ende getelt hebben de somme van vyffhondert carolus gulden in lossinghe affquytinge van den laste hier inne genoemt by dien vanden selven convente van de predicheeren eertyts aengenoemen in desen contract begrepen de welcke somme van vyffhondert gulden de voirs. twee regeerders ende toesienders met assistentie des priors des convents vande predicheeren voirn. hennen mederegeerder ende toesiender sullen beleet worddende op goede sufficiënte onderpanden naer behooren – dit staet oock aldus geteeckent int protocol inde marge daer desen brieff staet geregistreert – actum den tiensten dach decembris xvi c thien ondertekent by my P.Hees – gecollationeert tegens syne originaele besegelde bryeffven ende daer mede concorderende bevonden attestere ick Guiliam Donckers als openbaer notaris binnen sHertogenbossche residerende desen oirconde – Guiliam Donckers nots. s.s.t.
Persoon in schepenakte:
Broeder Cornelis van Oisterwyck
Broeder Martyn van Roosmalen
Jacop van Zundert
Guiliam Donckers
Datering:
5.12.1561
Pagina:
184-189
Soort akte:
Ontvangst
Plaats:
's-Hertogenbosch / Zundert / Brecht
Toegangsnummer:
220
Inventarisnummer:
Bron:
Beurzenstichtingen
Geografische namen:
1 gedigitaliseerd
220.37 Index Beurzenstichtingen (220.37)
46 De Bossche schepenen Frans van Balen en Seger Adriaenss. laten weten dat voor hen ‘in propere persoonen’ zijn verschenen de Heer en Broeder Antonis van Leende prior, Peter van den Berge subprior, Henrick van Oisterwijck procurator, Peter van Mierlo en Peter van Lirop conventualen van het Convent der Predikheren binnen de stad ’s-Hertogenbosch gelegen in de Hinthamerstraat mede in naam van alle conventualen, die hebben bekend en in het openbaar hebben beleden dat ze van de Heer en Mr. Jacoppen van Ostaijen van Zundert ‘docter inder medicinen ende priestere’ t.b.v. het genoemde convent 500 gl. hebben ontvangen onder conditie ‘dat de vs. conventualen des gehouden ende verbonden sullen wesen ten eewigen daege te alimenteren van montcost eenen bequaemen scholier totter religie van heuren convente ende den selven scholier een plaetse te crygen ende te bestellen inne het arm fraterhuys binnen der vs, stadt die welcke scholier selver sal frequenteren inne der groote scholen binnen der selver stadt ende scholier sal te vreden moeten wesen ende hem in tyden ter weke met een pont boteren seven clooster broots ende voorts van kese visch vlees ofte andere coste versien te worden van den vs. convente nae discrete ende conscientieuse prioers ofte procureurs ten tyde wesende des vs. convents - Ende sal dese alimentatie des scholiers in ende aengaende veerthien daegen daer nae paesschen anno 1562 naestcomende van desen schole sullen toesiender ende regeerders van nu ende eewigen daegen die prioer ten tyde van den prekers des vs. convents die prior ten tyde vande Hemelsche Poorte binnen der stadt van ‘sHertogenbossche die pater ten tyde van de fraters binnen der vs. stadt die welcke regeerders ende toesienders desen scholier altyt sullen aennemen endde admitteren – Ende indyen die vs. regeerders ende toesienders den selven scholier bevonden inhabil totter leeringe ende religie of anderssints inobedient oft onbequaem soo sullen die selve regeerders ende toesienders
Vervolg:
den selven scholier moegen destitueren ende eenen anderen in de plaetsche van den gedestitueerden moegen surrogeren – die conventualen van den predickheeren des vs. convent sullen alnoch verbonden wesen neerstelycken te considereren ende respect daer toe hebben oft den scholier aengenoemen synde van den vs. regeerders ende toesienders goet wesen ende voortganck heeft ter deuchden leeringhe ende geestelycheyt want alsulcken die vs. Mr. Jacop begeert heeft te hebben de preferentie – Ende dartich jaeren naeder afflivicheyt ende doot des vs. Heere ende Meesteren Jacoppe van Ostayen van Zundert ende langer nyet geduerende sal die prior oft procurator ten tyde des vs. convents van den predickheeren gehouden syn te seynden eenen brieff telcker reijse als die plaetsche van den vs. scholier vaceert ende op[en]staet aen die kerckmr. van Zundert ende van Brecht versueckende oft daer eenighe scholier waer bequaem wesende van des vs. Heer ende Mr. Jacoppen van Ostayen bloede die selve scholier die vs. Heer ende Mr. Jacoppen van Ostayen hier toe wil hebben preferentie – desen scholier sal verbinden wesen sdaechs eens in St. Janskercke aenden outaer van Ste Orocommer [dubieus] op die sepultuer van den huysvrouwe des vs. Heer ende Mr. Jacoppen van Ostayen te lesen eenen miserere ende eenen de profundus eenen pater noster met der oratien fidelium deus etc. – Sal hyerboven die vs. scholier gehouden syn eens ter weecken te lesen vigilias van drie lessen cum laudibus maer die selve scholier mach daer mede gestaen inne dyen hij int vs. arm fraterhuys singt met die andere arm fraters des vrydaechs nae costuymen soomen daer is singende, dese scholier sal noch verbonden wesen op Onser Lieven Vrouwen ende andere heylige ende apostel daeghen als die gemeyn schole binnen der voors. stadt orloff heeft alsdan te comende totten vs. convente van de predickheeren met die novitien oft jongen ende alsdan aldaer te helpen singen die getyden misse ende vesper
Vervolg 2:
ende opten selven metten jonge broeders van den predickheeren inde refertorie te weten om alsdan van de prioer oft van de paters des zelve convent totten ordene ende geestelyck leven des vs. convent van de predickheeren geinstrueert wordene – item in gevalle twee ofte drie oft meer scholieren den voors. regeerders ende toesienders gepresenteert wordden om te admitteren ter leeringhe soe sullen die regeerders ende toesienders den selven scholieren neerstelyck examineren ondersoecken ende den genen die deselve regeerders ende toesienders aldernaest bequaem sullen vinden totter religie des vs. convents van de predickheeren der stadt vs. sullen sy prefereren – sullen aen die vs. conventualen des convents van de predickheeren vs. den vs. scholier nu bequaem synde van leeringhe als goede wesen omme te accepteren ende aen te veerden de religie des selve convent aldaer te blyven metter woone gehouden syn den selve scholier op heure costen inne dyen de selve scholier arm waere ende anders nyet te cleeden … van syne cleedinghe ende die plaetse van den scholier sall altyt vaceren van der cleedinghe totte professie toe des selve scholiers te wetene een geheel jaer wesende jaer der probetien welck jaer probatimus geduerende de vs. convente egeenen anderen scholier des gehouden sullen wesen ter plaetsen ende inne des qualiteyt voirs. te alimenteren noch en sullen de selve conventualen yet gehouden syn te geven voor die opstaende plaets van den selven jaere van der probatien maer sal … jaer vander probatien des vs. scholiers altyt tot oirbaer ende voordeel des vs. convents van de predickheeren voirs. ende soo geringe als den vs. scholier inden selve convent geprofessyt wesen sal, soo sullen alsdan ende langer oft vorder nyet vertuenende die vs. conventualen van de predickheeren voirs. binnen der voirs. stadt van stonden aen voorts eenen anderen scholier inne der plaetsen ende qualiteyt voirs. gehouden syn te alimenteren van montcost –
Persoon in schepenakte:
Broeder Antonis van Leende
Frans van Balen
Peter van den Berge
Henrick van Oisterwijck
Peter van Mierlo
Peter van Lirop
Datering:
5.12.1561
Pagina:
184-189
Soort akte:
Ontvangst
Plaats:
's-Hertogenbosch / Zundert / Brecht
Toegangsnummer:
220
Inventarisnummer:
Bron:
Beurzenstichtingen
Geografische namen:
1 gedigitaliseerd