Notaris-, schepen- en andere akten

voors. testateur den selven oock midts desen volcomen macht is gevende, maeckende ende besettende de voors. provisooren ende collateurs ende elcken van hen int besonder voor henne moijten ende arbeijt ten tijde van de presentaire examinatie ende confereringe der buersen te weeten den Heere Prior ende Heijlichgeestmr. elck eenen gulden ende den anderen wesende van den bloede des testateurs ende buijten dese stadt geseten voor sijnen ganck ende moijten twee gulden ende dit soo dick ende menichwerven als de voors. collateurs ter oirsaecken van desen ende ende oock int hooren ende passeren der reeckeninghe sullen vaceren, ordonnerende oijck die voors. testateur dat den ontfanck regeringe ende administratie vanden incomen der voors. buerssen altijt sal hebben den oudsten clerck oft rentmeester der taeffele vanden heijligen geest binnen dese stadt ende dat die brieven munimenten registeren ende schriften desen aengaende sullen worden gelevert ende bewaert in eene gesloten kiste bijden Mr. ende Rectoor der voors. taeffele van den heijligengest [70] ten eijnde sijnen voors. clerck daertoe beter mach hebben acces, als den selven eenigen brieven van noode sullen wesen midts al sulcke brieven eender maent weder leverende omme in de voors. kiste gesloten ende metten anderen bewaert te worden des sal de voors. rentmeester schuldich ende gehouden sijn alle jaer te doene behoirlycke reeckeninghe bewijs ende reliqua van sijnen ontfanck regeringe ende administratie voors., mits voor sijnen zalaris genietende den twintichsten penninck vanden incomen – Ende soo verre enige penningen oft gelt boven d’jaerlicx tractement der bursieren van d’incomen renthen ende chijnsen overschote sal de voirs. rentmeester gehouden wesen deselve met oock alle de kapitaelen oft hooftpenningen van eenige renten oft chijnsen der voirs. buersen, die toecomende tijden affgelost ende gequeten mochten worden met advys van de voors. provisooren wederomme tot behoeff der voirs. buersen te beleggen – Ende opdat

loven voors. om te wonen ende habitatie te hebben in Standonck oft in t’collegie van tVercken ofte tot Duwaij int collegie van Onser Liever Vrouwen ofte int collegie van den Coninck ordonnerende bevelende die voors. testateur wel expresselijcken dat egeene van de voors. bursieren hen en sullen mogen begeven buijten eenige der voors. collegien in borgershuijsen op gelijcke privatie alsvoormmaer hen metterwone moeten begeven in eenige der voors. collegien ende sal elck der voors. bursieren alsoo in de voors. collegien wonende jaerlicx tot hennen onderhout ende alimentatie genieten ende ontfanghen de somme van hondert Ca: gulden in gelde tot Loven oft Duwaij ganckbaer wesende, allen de welcke de rentmeester die hiernae daertoe sal worden geordineert gehouden sal sijn den vs. bursieren vuijtte reijcken ende te bestellen soo binnen dese stadt als tot Loven oft Duwaij van vierendeel jaers oft ten minsten van halven jaere tot halven jaer – item de voors. bursieren en sullen nijet mogen vuijtwendelijck gecleet gaen met fraisen gefronst geboort oft gecoort dan simpelijck mannelijck ende eerlijck int swarte ende sullen oijck tot Loven oft Duwaij enige der voors. collegien de voors. buersen oft vruchten ende incomen van dijen nijet langer [68] moegen genieten oft profijteren dan den tijt van vier jaeren ende nae expiratie vande selve vier jaeren andere van de naeste vrienden des testateurs oft ingevalle daer egeene vrienden ende sijn andere naevolgende dese fundatie ende ordinantie de vs. buersen bij de provisooren ende collateuren geconfereert ende gegeven worden – Item die voors. testateur will ordineert ende begeert dat de voors. bursieren gehouden ende verobligeert sullen wesen alle daegen tot besingene [dubieus] ende verlichtinge der ziele van den fundateur te lesen de psalmen miserere et de profundis cum collecta pro defunctis – Item de voors. testateur ende fundateur heeft oijck gewilt begeert ende geordineert dat in dese bursen altijt ende ten eeuwigen daeghe

van sijne naegenoemde executeuren, beset de fabryck van Sint Jans Evangelisten kerck in kennisse van sijnen patroon sess Car: gulden eens den gulden tot twintich st. in desen te reeckenen – Item die voors. testor maeckt voor sijn jaergetijt te [65r[ celebreren in de prochiekercke van Sinte Wilbort tot Eersel plaetse sijns testateurs gebuerte bij den pastoor ende custer aldaer met tvigilie van negen lessen ende zielmisse voor sijnen ende sijnder ouders zielen sonder last ende dat de pastoir sijn jaergetijt sal vercondigen sondaechs te voeren eenen chijns van twee gulden vijfthien stuijvers jaerlicx die Claes Lippen is geldende, maeckende die voors. testateur vuijten voors. chijns den pastoir van St.Wilbort in Eersel voort sondachs gebet vijff stuijvers jaerlicx, soodat de pastoir sal ontfanghen negenthien st. den coster seven st. die kerckmrs. vier st. ende d’overschot ghedistribueert te worden de vrienden ende bloetbewanten des voors. testateurs opt voors. jaergetijt comparerende in witte broot teijnden de misse, soo nochtans dat de pastoir voor het ontfanghen des voors. chijns van t’voors. wittebroot sal hebben twee st. ende custer om alle jaer d’insinuatie ende wete te doen aen de vrienden gelijcke twee stuijvers broots ende aft sij de wete nijet ende deden sullen voor dat jaer gepriveert sijn – Item de voors. Heer Cornelis testateur maeckt ende beseth Catharina sijn suster huijsvr. Jans van Ruesel [dubieus] oft ingevalle van haere afflijvicheijt den kijnderen derselve voer een derdegedeelte – Item die lijnderen van Willemen sijns broeder voor een twee derde gedeelte ende [66] de kijnderen van Margriet sijn suster beijde in plaetse van henne overleden ouders voor t’resterende derde gedeelt, alle alsulcke goederen renthen chijnsen ende pachten als den voors. testateur van sijnen ouders sijn aengecomen ende aengedeelt ende alnoch in esse oft sijns testateurs dominie oft macht wesende, mitsgaders oyck alle andere sijns testateurs gronden van erven als huijsen