Mijn Studiezaal (inloggen)220.38 Index Beurzenstichtingen (220.38)
39 Wij scepenen, geswoiren, raetsluyden diemen noemt ledigen luyden, dekenen ende geswoirens vanden ambachte ende alle die gemeijn stadt van tsHertogenbossche doen cont allen luijden, dat wij van wegen ende in de naeme der selver stadt wittelycke vercoft hebben Heer Jan Willemssen van Worcum priester licenciaet inder heijliger Godtheyt canonick der cathedrale kercke van St. Jans Evangelisten binnen der selver stadt ende tegenwoordich plebaen tot St. Truijden sijn leven geduerende, ende nae desselfs afflyvicheijt tot behoeff van een burse voor eenen borger deser stadt s’Hertogenbossche eenen jaerlijke ende erffelijcke rente van t’zestick Car: gul: twentich penningen stuijvers gemeijnelyck genoempt oft die werde daer voir in andere paijemente ten tyde der betalinge ten comptoire deser stadt, cours ende loop hebbende, voir elcken der voirs. Car: gul: te reeckenen, welck erffelijcke rente wij kennen datse die voors. Heer Jan Willems wettelyck gecoght heeft [108] tegens ons met syne gereede penningen sonder fraude oft argelist, welcke penningen om die voirs. t’zestich gul: erffe;ijcke rente wij kennen datse die voors. Heer jan Willems ons wel betaelt heeft ende wettelyck volgende ende dat wijse hebben besettende bekeert in openbare nodo, oirbaer ende profyt van ons ende van dese voirs. stadt, welcke jaerlycken ende erffeluycke rente wij hebben gelooft ende gelooven mits desen ende elck van ons voor all in goeder trouwen te gelden ende te betaelen den voors. Heer Jan Willems ende syn leven geduerende ende naer desselffs afflyvicheijt tot behoeff van de voornoemde burse voir eenen borger van dese lren: = [litterern], oft vanden transcrift besegelt, met eenen segel autentyck in eenen wissel binnen dese stadt stadt alle jaer erffelick opten lesten dach der maent van meert – Ende voir den eersten jaer op den lesten dach meer anno xvi c eenentwintich met sulcke voirwaerden waert, dat wij weeren in eenigen gebreecken van gelden die voirs. jaerlycke ende erffelycke
Vervolg:
rente [108r] tot eenigen termijne den voirs. Heer Jan Willem soft den besitter der voirs, burse nae hem, oft hennen seeckeren bode brenger van dese lren [= litteren] oft vanden transcrift in alle oft in deel naeden eersten dach van paymente gevallen ende zyt dan versocht hadde inden wissel binnen dese voirs. stadt oft dat daer eenigen waer, ende oft alsdan egeen wissel en war aen die borgemren oft rentmren der voirs. stadt ten tyde wesende, oft men die vonden ende oftmen die niet en vonde aen huere woonstadt oft de eene van hen, in oirconde van twee scpn [= schepenen] der vs. stadt, die gehouden sullen sijn te vervolgen des voirs. Heer Jan Willemss. den besitter der voirs. burse oft hennen seeckeren bode brenger van dese lren [= litteren] pft ande transcrift mede te gaen totter borgemren oft rentmren voirs. oft heure woonstadt ende den eenen van hen om de vs. maninge te hoorenende ofts noot waer getuijghenisse daer aff te draegen – Soo willen wij ende consenteren met onse volcomen wille dat die vs. Heer Jan Willems ofte den brenger van dese lren: oft vande transcift veertien nacht daer nae hieraff hadde oft deden eenigen costthere oft scade het waere in geloven lant heeren baljuwen meyeryen ofte enige andere richteren, geestelycke oft wereltlycke [109] oft waert int gedinge in geestelycke hove oft in weerlycke oft anders, in wat maniere dat het waere, om de vs. erffelijcke rente, te hebben ende te gecrygen, alle die costhere, gnde sonder die princiift, mindernisse ende scaden hebben wij gelooft ende geloven op te richten ende te betaelen den voors. Heer jan Willems, den besitter der voors. burse nae hen oft hennen seeckeren bode brenger van dese lren: oft vanden transcrift tot hennen redelijcken seggen, sonder andere proeven daer aff te doen ende sonder die principael erffelijcke rente yet te verminderen – Ende om alle dese voirs. voirwaerden ende geloeften wel ende getrouwelyck te houden ende te voldoen, hebben wij verbonden ende verbynden ons onse oir ende onse
Vervolg 2:
nacomelingen, ende elck voor all alle onse goeden van ons van onse oiren ende van onse nacomelingen, hoe ende waer die gelegen sijn, die wij nu hebben ende namaels vercrygen mogen voor allen heeren ende richteren, geestelycke ende wereltlycke – hiervoor hebben wij vertegen ende vertijen voor ons, onse oir ende naecomelingen, op allen exceptien van gedingen, van tyde, van steden ende van per [109r] soonen, van munten, niet gehadt, niet getelt ofte niet ontfaen, alsoo dat wij niet seggen en mogen in eenigen tijde die toecomen sal, die penningen die wij ontfaen hebben, om de voors. erffelijcke renthe, sij en sijn ende bekeert in openbaren gemeijnen noodt, oirbarende profijt van ons ende voirs. stadt ende voorts vertijen oijck de exceptien, daer bij men secht, dat gemeyn veetijdenisse niet en doet ten sij speciale ierst voirgaen alle heeren ende richteren hulpe geestelick ende wereltlick ende sonderlinge alle andere dingen, welck sij sijn die ons helpen mochten ende den voors. Heer Jan Willems ende den besitter der voirs. buerse, nae hen oock den brenger van dese lren: oft vanden transcrift letten oft deeren eeniger manieren, tegen desen lren: oft tegen eenige vande voirwaerden in desen lren: beschreven staen – Ende waert saecke dat dese tegenwoordige lren: in eenige tijden worden gestolen, gesceurt, verbrant oft geargert in eeniger manieren, [110] Ende daer van wettelick gebleken sijnde soo gelooven wij den voirs. Heer Jannen Willems den besitter der voirs. burse nae hem, dat wij hen dan sullen geven tot hennen redelycken corte ende andere lre: besegelt mitten selve segele daer desen tegenwoordige lre: mede besegelt is, met conditiën toegedaen, dat wij inden name ende van wegen der voirs. stadt dese voirs. erffelycke rente altijt als ons gelieven sall, sullen mogen quijten ende lossen mette somme van duijsent gul: in gelde ten tijde der afflossinge bij generalen placcaet vande hove van Brabant gepermitteert sijnde
Persoon in schepenakte:
Jan Willemssen van Worcum
Jan Willems
Jan Willem
Jannen Willems
Datering:
31.3.1620
Pagina:
107-110
Soort akte:
Verkoop
Plaats:
's-Hertogenbosch
Toegangsnummer:
220
Inventarisnummer:
Bron:
Beurzenstichtingen
Geografische namen:
1 gedigitaliseerd