Notaris-, schepen- en andere akten

182a [VERVOLG AKTE] begeert oijck oft bij sijns testateur sleven oft naer sijns doodt eenige van de voors. renten worden gelost oft gequeten dat de losspenningen daer van sullen staen ter selver natueren van successien; item op dat die voors. testament te beter ter behoorlijcke executie gestelt worden, soe heeft hij testateur tot executeurs an den selven verkosen Mr. Peeter Timmermans rentmeester van den Baghijnhove binnen Diest den voors. Henrick Henricx Aaertss. ende den clercqen deser biddende de selve den last t’aenveerden laetende ieder voor een gedenckenisse ses guldens eens, stellende tot voldoeninge desselffs alle sijne voors. goederen in hunnen handen; item oft imant van sijne voors. legatarissen geïnstitueerde [662] erffgenaemen oft andere sijn voors. testament wilden impugneren insing… oft contravemeren in deel oft geheel in rechte oft daer buijten, soe wilt ende begeert hij testateur dat alsulcken impugnateur, infracteur oft contraveur sal sijn ende blijven berooft van allen tgene wes hem vuijt desen testamente of tab intestatio soude mogen toecomen ende allen tselve sal accresceren den anderen willich ende breedt sijnde tselve te volbrengen ende te achtervolgen; reserverende voorts de authoriteijt ende macht te t’voors. testament in deel oft geheel te veranderen soe dickwils hem testateur goedtduncken sal, verclarende allen tghene voors. te weten sijnen vuijttersten wille ende versueckende by mij noto (?) daer over gemaeckt te worden openbaer instrument in behoorlijcke [662r] formen;