Notaris-, schepen- en andere akten

188 Meester Peeter Roggen mede als gemachticht van Johan Heufkens als mombers van Catharina nagelaten minderjarige dochter van Gerart Engelkens verweckt bij Jenneken Gielissen eluijden zaliger, vermogens besegelde procuratie gepasseert voor Gisbert Michels ende Conradt van Daell schepenen des kerspels Venraedt in dato 24-01-1639 ondertekent Matt: Alartsen landschrijver ons heijmraden gebleken. En Arien Dericx eichterbode in plaatse des heeren Amptmans als overmomber van alle onmundighen, hebben gevest Andries de Swart ende Berber sijne huisvroue ende hueren erven eenen weijkamp groot ongeveerlick 4 hont landts onder dese gerichte gelegen metter eenre sijde beneven de Voortsendijck, metter andere sijde beneven een kamp hiernaer bescreven, schietende met eenen eijnde op Jan Gerits Kempen erf, ende metten lesten eijnde op Peeter van Sambeecks erf. Ende noch een kamp van 4 hont doch der maten onbegrepen, gelegen metter eenre sijde beneven Arien Dericx erf, metter andere sijde beneven de voorschreven kamp, schietende metten eenen eijnde op erve Jan Gerits voorschreven, ende metten lesten eijnde op Andries de Swart voorschreven erf. Ende hebben de voorschreven parcelen alsoo voer opgedragen ende daerop vertegen etc. Ende gelooft te vrijen etc. vuijtgenomen vuijter den ijrsten kamp 9 stuvers thijns ende te wegen de kampen daer achter gelegen met het hecken te onderhouden, ende vuijtter de tweede kamp 6 stuvers thijns ende te wegen den kamp van Jan Gerits Kempen mette twee anderen daer beneffens gelegen. Sonder argelist. Actum voor Willem Pouwels en Thomas Jordens heijmraden.

187 Derick Hanricx ende Meriken sijne huisvrouw met hueren gecoren momber etc. hebben gevest Jan Peters ende Lijsken sijne huijsvroue eb ueren erven huijs ende hoff metten lande daertoe gehoorende, tsamen groot omtrent dordehalven mergen genamt Jelissen Kemp, gelegen met eenre sijde en eenen eijnde beneven Jan Peters voorschreven erf, metter andere sijde beneven Aelert Lenders erf, schietende metten lesten eijnde opten Vuerdijck metten dijck, ende schouwe met recht. Ende hebben tselve alsoo vooer opgedraegen ende daerop vertegen etc. Ende gelooft te vrijen etc. vuijtgenomen vuijtter ’t lant 10 stuver sjaers aen d’erfgenamen van jonker Aelbert van der Voort. Actum voor Willem Pouwels ende Thonis Jordens heijmraden.

186 Deselve heeft geleden ende bekant dat Jan Tijssen hem vuijtter voirschreven brieve affgelost heeft een gelijcke malder roggen erffelick metter verloop etc. Vuijtter eenen mergen lants oick int Hollanderbroick aen den Vaerdijck gelegen metter eenre sijde beneven Jurien Jans erf, d’ander sijde Rom Aerts erf, d’een eijnt opten Vaerdijck ende ’t leste eijnt op Vincent Lamers erf etc. als boven; sulcx dat hij metten elven brieve nijet meer sal mogen eijsschen off manen, als een malder roggen. Sonder argelist. Actum voor heijmraden ende dato als boven.

185 Derick van Drijell hem sterck makende voor sijne kijnderen heeft geleden ende bekant dat Vincent Lambers hem wel ende ten vollen affgelost ende gequitten heeft een malder rogge erffelijck metten verloopen van dijen , dwelcke den selven hem tot noch toe gegolden heeft vuijtter eenen halven mergen lants int Hollanderbroick aen den Roijendijck gelegen, metten eenre sijde beneven Jan Guerts erf, d’ánder sijde Melis Rutten erf, d’een eijnt opten Roijendijck, ende ’t leste eijnt op Jan Tijssen erf, in eenen meerderen pacht van 3 malder rogge jaerlicx vermogens den erffbrieve daervan sijnde, luijdende van woort tot woort als hierna volght: Wij Peter van Kessel ende Herman van Trijest heijmraden int Hollanderbroick tugen samelick in desen open brief dat voor den richter ende voir ons als in de gerichte comen sijn Peter van Kessel vurschreven Derick sijn swaiger ende Met sijn wettig wijff, Jan Artssen ende Wette sijn wijttige wijff ende Truij Petersdochter vurschreven ende Jan sijn soin, een ijgelic vrouwe persoon mit oiren gecoren momber die den mit recht ende vonnis gegeven waert, . Ende hebben samentlick opgedragen mit dijs richters hant gestedicht ende gevest Henrick van Kempen ende sijnen rechten erven, 3 malder rogge Graafsche maeten erffelick ende alle jaer toe betselen op St Petersdach ad Cathedram naist toecomende nae datum dijs brieffs, uuter hoifstadt aen den Roijendijck 3 mergen lants luttel mijn of meer gelegen metter eenre sijde neven Arnt Hermans, metter ander sijde neven erf Jan Vogell, mitten eene eijnde schietende opten Molendijck, mitten andere eijnde opten Vaerdijck; voir opgedragen ende halmelick daernae op vertegen tot behoef Henricx van Kempen vurschreven ende zinen rechten erven; dat ’t vonnis wijsden dat Peter van Kessel mitten vurschreven personen ende oire alre erve dair samentlick aff onterfft ende ontgoet sijn als recht is. Ende Henrick van Kempen vurschreven ende zinen rechten erven daeraen gestedicht ende gevest sijn als recht is;