Notaris-, schepen- en andere akten

277 Wij Sebert Claess ende Daniel van Deijsen Janss, Scepenen, tugen dat voir ons comen is GIJSBERT ARIAENSS VAN HEMERT ende heeft verhuert ANDRIESSEN CORNELIJSS, een schair weijen op MAMERENS ende HEMERTS SCHEEL, ongescheijden ende ongedeijlt, ses jairen lanck duerende, deen achter volgende den anderen, aengaende op meije anno XLII nae datum van deesen, ende soe voirt sess jairen lanck duerende. Ende Gijsbert voirs. gelooft op hem ende op alle sijn goit, hebbende ende vercrijgende, Andriess de voirs. huer te houden ende de schair vrij op ende aff te leveren van sijnen twegen, de voirs. jairen duerende, van wekker hueren der voirs. sess jairen Gijsbert voirs. hem heeft bekent vernuecht ende wel betaelt te sijn, allet sonder argelist.
Actum anno XLII, den XXVen februarij.

276 Wij Sebert Claess ende Gerit Voet Airtss, Scepenen, tugen dat voir ons comen is HENRICK TIMMERMAN HENRICXZ, ende heeft bekent schuldich te sijn erffelick ende alle jair AELKEN HENRICK JACOPS huijsvrou, ende STIJNTKEN ende JAECXKEN hoiren echte dochteren, twe gulden, twintich stuver brabants gevaluweert voir elcken gulden, wair aff den iersten taeldach sijn sal op St. Peters dach ad Cathedram nae datum van deesen, ende soe voirt alle jair, wt huijs end hoff gelegen inder prochie van MEGEN dair hij woent buijten de BOSPOORT, deen sijde de gemeijn straet, dander sijde Heijlwich weduwe Jan Goessens met hoiren kijnderen ende meer andere, deen eijnde Margriet weduwe Henricx van Hemert met hoiren kijnderen, dander eijndt Dirick van Hemert, ende voirt wt alles goets dat hij heeft ende vercrijgen mach, wt te peijnden alle jair gelijck verwonnen schult. Op conditie dat Henrick dat alle tijt lossen mach met dertich gulden ende metten pacht, twintich stuver brabants gevaluwert voir elcken gulden.
Actum anno XLIII, inden Pincxtheijligen dagen.

275 Wij Sebert Claess ende Herman Botterman, Scepenen, tugen dat voir ons comen is DIRICK AIRTSS DE TIMMERMAN, ende heeft bekent schuldich te sijn erffelick ende alle jair WILLEMEN HENRICK WIGGERSS, anderhalven gulden, twintich stuver loopents gelt voir elcken gulden, wair aff den iersten taeldach sijn sal op Alderheijligen dach anno XVc drieenveertich, ende soe voirt alle jair, wt sijn helft van huijs ende hoff dair hij woent, noch ongescheijden ende ongedeijlt, deen sijde Henrick de Becker, dander sijde Dirick Peel, voir aende Steen straet, achter aende winterdijck, ende voirt wt alles goets dat hij heeft ende vercrijgen mach, wt te peijnden alle jair gelijck verwonnen schult. Op conditie dat hijt altijt lossen mach met drieentwintichsten halven gulden ende metten pacht, twintich stuver loopents gelt voir elcken gulden.
Actum anno XLII, den XIIIen augusti.

274 Wij Gerit Voet Aertss ende Daniel van Deijsen Janss, Scepenen, tugen dat voir ons comen is DERISKEN HEER AIRTS dochter, ende heeft bekent schuldich te sijn erffelick ende alle jair GOIRT JANSS VAN OSS, thien stuver, wair aff den iersten taeldach sijn sal op Onser Liever Vrouwen Lichtmisdach nae datum van deesen, ende soe voirt alle jair, wt huijs ende hoff gelegen binnen MEGEN, dair sij woent, deen sijde de Ham straet, dander sijde ende deen eijndt Jan de Becker, voir aende Steen straet, ende voirt wt alles goets dat sij heeft ende vercrijgen mach, wt te peijnden alle jair gelijck verwonnen schult. Op conditie dat Jan altijt lossen mach met achtenhalven gulden ende metten pacht, twintich stuver voir elcken gulden.
Actum anno XLIII, den XIIIen van aprill.