Notaris-, schepen- en andere akten

139 Jan Willemss van Herpen als man van Jenneken dochtere Gerit Alars genoemt de jonge Jenneken, heeft tvierdendeel van eenen hoff lants 16 vaetsaet lants groot gelegen in Oss ter plaetschen genoemt inde moelenstraet, belendingen: erfgenamen Welt Lamberts; den gemeijnen wech; de moelenstraet; eenen wech daer teijnden loopende; gelijck hem van sijne huijsvrouwe weghen aengecomen is; vercocht aan Thonissen Philipsen, Geertgen sijn huijsvrouwe ende Jan Adriaens ter tochte ende die voirs Thonis Philipsen kijnderen ten erffrecht verweckt bij Anneken dochtere Gerit Alaers sijn overleden huijsvrouwe ten erffrecht.
Actum 17-6-1645, testes Dierck Goossens van Luecken ende Jorden Diercxss, scabini i Oss.

138 Jan soone Cornelis Delis als manv an Jutgen dochtere Thomas Janss heeft een vierdendeel van eenen mergen lants gelegen in Oss ter plaetschen genoemt in robijns camp, belendingen: Jan Otten; de cruijsenbeemptschen dijck; troesmudt; gelijck tselve vierdendeel van sijne huijsvrouwe weghen hem aengecomen is; vercocht aan Lambert ende Roeloff soone Neelis Lamberts woenende tot Heesch.
Actum 16-6-1645, testes Henrick Goert Gielens ende Ceel Thomass, scabini in Oss.

137 Alsoe seeckere twist geschaepen waere te rijsen tussen de kijnderen van Jan Henricxss van Hollick ende Welt Janss verweckt ende noch te verwecken bij Nelisken dochtere Willem Cornelis Vos; ende omme den selven twist te voircomen, hebben Aert Henricxs van Teffelen als vuijt crachte van procuratie hem gegeven bij heer Aert Vos voir schepenen van Uden p 3-12-1645, als momboiren vande kijnderen van Jan Henricxss voirs ter eenre ende Welt Janss ter andere sijden ende hebben overcomen dat de voirkijnderen ende nae kijnt oft kijnderen verweckt ofte te verwecken sullen wesen een kijnderen in alle ende eenenijegelijcke goederen die die voirkijnderen sullen moegen competeren ende naer doot van hennen groot vader als andersints moegen aenverstorven als oock inde goederen vande voirs Welt Janss; ende sullen de selve achtergelaeten goederen bijde selve voir ende naekijnt oft kijnderen verweckt oft te verwecken tsaemen gedeijlt worden; ende indien ennighe kijnt oft kijnderen sullen comen ten houwelijcken staet oft anderen staet sal die voirs Welt Janss of Neelisken innegevalle van deen oft dandere tussen middelen tijde quaeme te sterven, sullen dies nijet te min elck kijnt mede geven de somme van 150 gulden met een bedde ende sijne toebehoirte, mits conditie dat oft geviel dat de voirs Welt oft Neelisken inne ennighe aermoede quaeme te vallen, omme de selve penningen opte brengen sal tselve moeten in gesien wordden ende staen ter discretie vande naeste vrienden.
Actum 16-6-1645, testes Dierck Goossens van Luecken ende Jan Aertss Kievits, scabini in Oss.

136 Sijmon Pauwels Pauwelss heeft een camp lants 4 vaetsaet groot gelegen in Oss ter plaetschen genoemt int weijstervelt, belendingen: Vreijns Gerits; Remmet Jan Diercxss; erfgenamen Dierck Lamberts; gelijck tselve campken hem van sijne ouders aengecomen is; vercocht aan Jannen soone Jan Aertss.
Actum 29-5-1645, testes Ceel Thomassen ende Jorden Diercxss, scabini in Oss.
Jan Jan Aertss belooft den voirs Sijmon de somme van 115 carolus gulden op Sint Jacop ierstcomende te betaelen ter cause van de bovengeveste erffenisse. Actum et testes ut supra.
[laatste akte doorgehaald, in marge:] dese voldaen als parthien bekende, daeromme geroijeert.