Inden naeme ons Heeren Amen – byden teneur deses openbaer instrument sij alle man kennelyck ende claerlyck weeten dat int jaer vanden selven ons Heeren geboirte duijsent vijffhondert sesse ende veertich nder vierde indictie opden lesten dach vander oychstmaendt ten vier uren nae middach oft daeromtrent des pausdoms ons alderheijlichste vaders in Christo ons Heeren Heere Paus byder voor [100v] sienicheijt Godts des naemen den vierden in sijne twaelffste jaeren myn publicq notaris ende ghetuijgen hier ondergeschreven tegenwoordich specialyck daertoe gebeeden persoonlyck gestaen ende verschenen synde d’eersaeme man Heer ende Mr. Wouter van Westerhoven priester inder stadt van Diest tbisdoms van Luijck woonende ghesont van hertten ende lichaem staende ende gaende synder sinnen in alles wel machtich uijt redenen ende door cracht van clausule in sijn testament vander daet des seventhienden dach inder maent van junio duijsent vijffhondert veertich voor Walterus van Eersel notaris publicq gemaeckt bij copije uytgeschreven te weten behoudelyck hem behoudende trecht van sijnen vrijen wille daer bij te vuegen verminderen veranderen verbeteren int verschreven sijn testament ende wel in sijn cracht macht ende van ende maetgevende de macht ende faculteijt sijnen executeuren int voors. testament
inder jaeren vander geboirten ons Heeren duijsent vijffhondert een ende vijfftich opten lesten dach inde maent van maij ter ure ende vesperteijt ende daeromtrent door de eerwerdeghe mannen heeren den prepoost deecken ende capitiele der collegiael der kercke van St.Sulpitius binnen der stadt Diest des bisdomps van Luijck inde capittelplaetsche het capitiele daertoe vergadert sijnde in myns publycq notaris ende getuijgen hier onder geschreven, gheroepen ende sonderlinghe ghebeeden tegenwoordicheijt persoonelijck gestaen ende verschenen sijnde discrete mannen Anthonius Segens van Diessen met Wouteren Geenen (?) in Schaeft onder Weerde respective woonende, als executeurs des testaments ende vuyttersten wille des Eerw: mans Heeren Wouter van Westerhoven priesters [102r] vanden choore ende suppoost van den voors. cappittele testateurs voorschreven hebben ons verthoont het testament op dander sijde gheschreven ende den licentbrieff om te mogen testament maecken den voors. testatoirs